Sheffield heimsótti QPR og komst yfir undir lok fyrri hálfleiks, þegar Morgan Fox skoraði.

Heimamenn blésu til sóknar í síðari hálfleik en fundu ekki mikið af glufum á agaðri vörn gestanna, sem hélt út.

Sam Winnall innsiglaði sigur Sheffield í uppbótartíma, þegar lið QPR var teygt um allan völl í leit að jöfnunarmarki.

Sheffield komst áfram þökk sé marki Winnall, því heimamenn í QPR minnkuðu muninn á 94. mínútu. Það var Nahki Wells sem skoraði markið en það dugði ekki til.

QPR 1 - 2 Sheffield Wednesday
0-1 Morgan Fox ('43)
0-2 Sam Winnall ('91)
1-2 Nahki Wells ('94)

Derby County heimsótti þá D-deildarlið Northampton í mjög áhugaverðum leik.

Heimamenn í Northampton voru mikið betri í fyrri hálfleik og óheppnir að koma knettinum ekki í netið.

Derby tók völdin á vellinum eftir leikhlé en fann þó ekki glufur á vörn heimamanna og endaði leikinn með 9 marktilraunir en ekki eitt einasta skot sem hæfði rammann.

Liðin mætast aftur á Pride Park Stadium, heimavelli Derby.

Northampton 0 - 0 Derby