Víkingur Ólafsvík mætti Gullfálkanum í Mjólkubikarnum í dag og vann hvorki meira né minna en 18-0 sigur.
Lestu um leikinn: Víkingur Ó. 18 - 0 Gullfálkinn
Kareem Isiaka, ungur Englendingur sem er á mála hjá liðinu, fór hamförum og skoraði sjö mörk í leiknum. Hann lagði einnig upp eitt mark. Isiaka var tekinn í viðtal eftir leikinn.
„Við skoruðum mikið af mörkum og byrjum tímabilið af krafti. Ég var sáttur með strákanna að taka þessum leik af fullri alvöru, það var það mikilvægasta," sagði Isiaka.
„Það er gott fyrir liðsandann að vinna þennan leik svona stórt og við getum tekið þetta með okkur inn í tímabilið."
Isiaka fékk svo að vita af því að hann skoraði sögulegt mark fyrir liðið þegar hann kom leiknum í 16-0. Metið yfir stærsta sigur hjá Víkingi Ó var 15-0 fyrir leikinn í dag.
Athugasemdir