32-liða úrslit Mjólkurbikarsins hefjast í kvöld. ÍA fer í ferðalag til Hafnar í Hornafirði og mætir Sindra.
Skagamenn komust í úrslit bikarsins í fyrra þar sem liðið tapaði gegn Víkingi. Jón Þór Hauksson þjálfari Skagamanna er spenntur fyrir leiknum á morgun.
„Ný keppni sem er alltaf skemmtilegt. Liðið fór auðvitað í úrslit í fyrra og eiga góðar minningar frá keppninni í fyrra. Það er skemmtileg áskorun fyrir okkur að fara þangað," sagði Jón Þór í viðtali við Fótbolta.net eftir markalaust jafntefli gegn ÍBV í Eyjum á laugardaginn.
Sindri er með fjögur stig eftir þrjár umferðir í 3. deildinni en liðið náði í sinn fyrsta sigur einmitt á laugardaginn gegn KFS í Eyjum.
„Sindri var að spila hérna í Vestmannaeyjum líka í dag þannig að við sáum þá. Það er hörku lið og verður hörku leikur," sagði Jón Þór.
Árni Snær Ólafsson markvörður ÍA varði víti gegn ÍBV í uppbótartíma. Hann er staðráðinn í að sigra Sindra og vonar að það ýti undir betri árangur í deildinni.
„Við byrjum á því að fara á Höfn í Hornafirði að vinna svo förum við að týna stig í pokann."