Real Madrid er að ganga frá samkomulagi við Shakhtar Donetsk um að halda táningnum Vinicius Tobias í Madríd á lánssamningi sem gildir út næstu leiktíð.
Tobias er 19 ára hægri bakvörður sem er mikilvægur hlekkur í unglingaliði Real Madrid.
Hann er samningsbundinn úkraínska félaginu Shakthar til 2026 en Real hefur mikinn áhuga á honum.
Fabrizio Romano segir að Real Madrid borgi 500 þúsund evrur til að fá leikmanninn lánaðan og getur stórveldið fest kaup á honum fyrir 15 milljónir til viðbótar.
Tobias lék á láni hjá Real Madrid á síðustu leiktíð en félagið ákvað að kaupa hann ekki að sinni.
Tobias á 18 leiki að baki fyrir yngri landslið Brasilíu.
Athugasemdir