Læknir Barnabas Varga hefur gefið upplýsingar um ástand sóknarmannsins eftir að hann lenti í hörðu samstuði í leik með Ungverjalandi gegn Skotlandi á EM.
„Barni fékk heilahristing við áreksturinn og missti meðvitund,“ segir Gergely Panics, læknir ungverska landsliðsins.
„Þegar verið var að bera hann upp í sjúkrabílinn komst hann aftur til meðvitundar og var fluttur á sjúkrahús í Stuttgart. Að lokinni skoðun var gerð áætlun varðandi aðgerð. Hann hlaut margvísleg höfuðkúpubrot í andliti, nokkur minni og stærri bein brotnuðu í andliti hans og sum fóru jafnvel úr lið. Eftir aðgerðina verður hann á sjúkrahúsinu í tvo daga. Ef allt gengur upp verður hann útskrifaður á miðvikudaginn."
„Barni fékk heilahristing við áreksturinn og missti meðvitund,“ segir Gergely Panics, læknir ungverska landsliðsins.
„Þegar verið var að bera hann upp í sjúkrabílinn komst hann aftur til meðvitundar og var fluttur á sjúkrahús í Stuttgart. Að lokinni skoðun var gerð áætlun varðandi aðgerð. Hann hlaut margvísleg höfuðkúpubrot í andliti, nokkur minni og stærri bein brotnuðu í andliti hans og sum fóru jafnvel úr lið. Eftir aðgerðina verður hann á sjúkrahúsinu í tvo daga. Ef allt gengur upp verður hann útskrifaður á miðvikudaginn."
Varga lenti í óhugnanlegum árekstri við Angus Gunn markvörð Skotlands. Leikurinn var stopp í um sjö mínútur á meðan Varga fékk aðhlynningu. Tjöldum var haldið fyrir.
Varga er 29 ára sóknarmaður Ferencvaros og spilar ekki meira á EM. Ungverjar tryggðu sér sigurinn gegn Skotlandi í uppbótartíma.
Athugasemdir