Guðlaugur Victor Pálsson.
Landsliðsmaðurinn Guðlaugur Victor Pálsson er núna orðaður við Persepolis í Íran. Þetta kemur fram í fjölmiðlum þar í landi.
Guðlaugur Victor er á mála hjá Plymouth í Englandi en hann gekk í raðir félagsins fyrir síðasta tímabil.
Guðlaugur Victor er á mála hjá Plymouth í Englandi en hann gekk í raðir félagsins fyrir síðasta tímabil.
Íslendingavaktin segir einnig frá áhuga Persepolis á íslenska landsliðsmanninum og bætir við að hann hafi fengið góðan samning frá félaginu.
Persepolis er sigursælasta félagið frá Íran en liðið endaði í þriðja sæti efstu deildar þar í landi á síðasta tímabili.
Guðlaugur Victor, sem er 34 ára, hefur komið víða við á sínum ferli og spilað í Englandi, Skotlandi, Danmörku, Bandaríkjunum, Hollandi, Svíþjóð, Sviss, Þýskalandi og Belgíu. Það er spurning hvort Íran muni bætast á þann lista.
Athugasemdir
