Alexander Isak.
Sænski sóknarmaðurinn Alexander Isak fór á endanum ekki með Newcastle í æfingaferð til Asíu.
Eddie Howe, stjóri Newcastle, sagði á dögunum að Isak myndi fara með í ferðina eftir að hann sendi hann heim úr æfingaleik gegn Celtic út af sögusögnum um framtíð hans.
Eddie Howe, stjóri Newcastle, sagði á dögunum að Isak myndi fara með í ferðina eftir að hann sendi hann heim úr æfingaleik gegn Celtic út af sögusögnum um framtíð hans.
Isak flaug hins vegar ekki með hópnum í ferðina og segir Newcastle að það sé vegna smávægilegra meiðsla á læri.
Sögurnar verða hins vegar alltaf hærri og hærri í kringum Isak.
Hann hefur verið sterklega orðaður við Liverpool í sumar og er einnig áhugi á honum frá Sádi-Arabíu. Newcastle hefur áhuga á að gera við hann nýjan samning en til þess að hann skrifi undir nýjan samning þá er hann að krefjast þess að verða langlaunahæsti leikmaður félagsins.
Athugasemdir
