Joao Palhinha.
Samkvæmt Telegraph er Tottenham að vinna í því að fá Joao Palhinha frá Bayern München. Sami miðill segir að Son Heung-min verði mögulega seldur frá Spurs en Los Angeles FC hefur áhuga á honum.
Palhinha er miðjumaður sem var fyrr í sumar orðaður við Arsenal en núna er Tottenham á eftir honum.
Palhinha hefur átt erfitt uppdráttar eftir félagaskipti sín til Bayern en hann lék áður vel með Fulham á Englandi.
Spurs telur sig eiga mikinn möguleika á því að landa Palhinha en Telegraph segir félagið þurfa að selja leikmann til að geta landað Palhinha. Þar kemur Son inn í myndina. Suður-Kóreumaðurinn er goðsögn hjá Spurs og lyfti Evrópudeildarbikarnum á síðasta tímabili en hann er orðinn 33 ára gamall.
Tottenham mun þó líklega ekki selja Son fyrr en eftir æfingaferð félagsins í Suður-Kóreu. Tottenham myndi tapa miklum peningum ef Son fer ekki í þá ferð.
Son Heung-min.
Athugasemdir
