Halldór Árnason ásamt Óskari Hrafni
„Auðvitað bara gleði að ná að landa þessum sigri eftir nokkra leiki í röð sem við gætum vilja fá meira út úr og vorum ekkert ósáttir með frammistöðuna en náum að einhverneigin að þétta í 90. mínútna frammistöðu í dag og ég er hriklega ánægður með það að það skili sér í þremur stigum." voru fyrstu viðbrögð Halldórs Árnasonar þjálfara Breiðabliks.
Lestu um leikinn: Breiðablik 2 - 1 Stjarnan
Breiðablik hefur tapað þremur leikjum fyrir leikinn í kvöld og einhverjir hafa gagnrýnt leikstílinn sem Breiðablik hefur verið að spila. Breiðablik byrjaði í 4-3-3 í dag en skipti svo aftur um leikkerfi. Hvernig fannst Halldóri þessi leikkerfi ganga?
„Mér fannst þau ganga bæði mjög vel. Fannst við í seinni hálfleik eftir að við breyttum að við náðum að teygja á Stjörnumönnum og halda boltanum vel, þannig breytingin gékk vel og á sama skapi fannst mér fyrri hálfleikurinn spilast vel."
Breiðablik náði gríðarlega mikilvægum þremur stigum í toppbaráttunni og liðið mætir Valsmönnum í næstu umferð. Hvernig lýst Halldóri á það verkefni?
„Bara mjög vel. Við erum þrátt fyrir kannski ekkert frábæra stigasöfnun í leikjunum tveimur á undan en þessum, þá höfum við verið ánægðir með ýmislegt í leik okkar, það hefur kannski vantað að vera aðeins skarpari fyrir framan markið og aðeins sterkari að verjast í okkar vítateig þannig við getum ekki verið annað en bjartsýnir fyrir Valsleikinn. Valur er auðvitað búnir að spila hrikalega vel og eru búnir að ná ansi góðri forystu í þessu móti en við mætum fullir sjálfstrausts og tilhlökkunar á Hlíðarenda."
Viðtalið í heild sinni má sjá í sjónvarpinu hér að ofan.
