Andri Fannar Baldursson
Andri Fannar Baldursson, leikmaður NEC Nijmegen í Hollandi, spilaði síðustu tuttugu mínúturnar í 2-0 tapi liðsins gegn toppliði Feyenoord í kvöld.
Andri, sem er á láni frá ítalska félaginu Bologna, kom inná sem varamaður á 70. mínútu leiksins.
Þetta var fimmti leikur hans í hollensku deildinni á tímabilinu en hann á enn eftir að byrja sinn fyrsta leik.
Það jákvæða er að þetta eru flestar mínútur sem hann hefur spilað í einum leik fyrir Nijmegen á tímabilinu og gæti því verið stutt í fyrsta byrjunarliðsleikinn.
Nijmegen er í 9. sæti með 22 stig.
Athugasemdir
