„Er súr að hafa ekki klárað leikinn, við spiluðum mjög vel í dag og áttum að mínu mati sigurinn skilið," sagði Davíð Þór Viðarsson aðstoðarþjálfari FH eftir 2-2 jafntefli gegn KA í lokaumferð Pepsi Max-deildar karla.
Lestu um leikinn: KA 2 - 2 FH
Úrslitin þýða að KA á enga möguleika á evrópusæti. FH vann Breiðablik í síðustu umferð sem svo gott sem gerðu út um titilvonir þeirra.
„Ég hefði viljað eyðileggja partýið almennilega með því að vinna," sagði Davíð og hló.
„Við erum ekkert að spá í því, við vorum komnir í þá stöðu að við vorum ekki að berjast um neitt en við vorum ákveðnir í því að enda þetta tímabil á jákvæðum nótum og reyna taka það með okkur inn í veturinn og mér finnst við að mörgu leiti náð að gera það, flottur taktur í okkur síðustu vikurnar,"
Davíð segir að FH stefni á toppbaráttu sem fyrst.
„Að enda með 33 stig er ekki ásættanlegt og við erum mjög óánægðir með að enda í sjötta sæti með svona fá stig. Það þarf að kryfja aðeins hvað fór úrskeiðis og reyna bæta úr því og sjá til þess að koma okkur á þann stað sem við viljum vera á, það er á toppnum eða við toppinn."
Athugasemdir
