Sergi Canos, leikmaður Brentford, hefur biðlað til almennings eftir jafnteflisleik gegn Liverpool í ensku úrvalsdeildinni í kvöld; hann vill fá legghlífarnar sínar til baka.
Canos segist hafa skilið legghlífarnar eftir á vellinum og að einhver öryggisvörður hafi gefið áhorfenda á vellinum þær.
Hann vill fá legghlífarnar til baka. „Þetta eru legghlífar sem skipta mig miklu máli þar sem það eru fjölskyldumyndir á þeim," skrifaði Canos á Twitter.
„Getur einhver hjálpað mér að finna þær? Ég skal gefa skó eða treyju í staðinn."
Canos hefur spilað vel með Brentford í upphafi tímabilsins. Vonandi finnur hann legghlífarnar sínar aftur.
Guys please I left my shin pads on the touch line and some security guy gave them away to you. They are very personal with my family pictures. Can someone help me find them? I will give you boots or shirts instead 🙏🥲
— Sergi Canós Tenés (@sergicanos) September 25, 2021
Athugasemdir
