| mán 26. ágúst 2019 09:34 |
|
Lið vikunnar í enska - Liverpool og Man City með tvo
Liverpool og Manchester City sitja í tveimur efstu sætunum eftir þriðju umferðina í ensku úrvalsdeildinni. Bæði lið eiga tvo fulltrúa í liði helgarinnar hjá Garth Crooks á BBC en hann stillir upp í sókndjarft 3-4-3 kerfi!
Martin Dubravka (Newcastle) - Hélt hreinu í öflugum útisigri gegn Tottenham.
Joel Matip (Liverpool) - Skoraði gegn Arsenal og átti góðan dag í vörninni.
Gary Cahill (Crystal Palace) - Hjálpaði Crystal Palace að landa þremur stigum á Old Trafford.
David Silva (Manchester City) - Var með tvær stoðsendingar í sigrinum á Bournemouth.
Paul Dummett (Newcastle) - Var eins og klettur í vörn Newcastle í útisigrinum gegn Tottenham.
Mateo Kovacic (Chelsea) - Átti góðan leik á miðjunni í 3-2 útisigri á Norwich.
Nathan Redmond (Southampton) - Hjálpaði Southampton að landa fyrstu stigum sínum á tímabilinu. Var sjálfur á skotskónum í öðru markinu gegn Brighton.
Mohamed Salah (Liverpool) - Fiskaði víti og skoraði úr því gegn Arsenal. Skoraði síðan þriðja markið eftir frábæran sprett.
Sebastien Haller (West Ham) - Dýrasti leikmaður Hamranna skoraði sín fyrstu tvö mörk í ensku úrvalsdeildinni.
Tammy Abraham (Chelsea) - Framherjinn ungi skoraði fyrstu tvö mörk sín á tímabilinu. Léttir.
Sergio Aguero (Manchester City) - Var tvívegis á skotskónum gegn Bournemouth í gær.
Athugasemdir
Nýjustu fréttirnar
09:35
13:15
12:30
