Hoffenheim og Mainz gerðu 1-1 jafntefli. Marco Richter gerði mark Mainz á 39. mínútu. Edimilson Fernandes átti sturlaða sendingu frá eigin vallarhelmingi yfir á vinstri vænginn þar sem Richter slapp í gegn og skoraði.

Stoðsendingin í jöfnunarmark Hoffenheim var alls ekki síðri. Pavel Kaderabek kom með stórglæsilega fyrirgjöf frá hægri á Robert Skov, sem tók boltann á lofti og í fjærhornið.

Mainz fékk mörg tækifæri til að klára leikinn. Aymen Barkok fékk besta færið. Mainz fékk vítaspyrnu en Oliver Baumann varði vítaspyrnu Barkok.

Richter fékk þá tvær aukaspyrnur undir lokin en báðar höfnuðu í þverslá. Ótrúleg óheppni og alveg óhætt að segja að Hoffenheim hafi sloppið með skrekkinn.

Heidenheim og Bochum gerðu þá markalaust jafntefli í fyrri leik dagsins.

Hoffenheim er í 6. sæti með 20 stig, Heidenheim í 13. sæti með 11 stig, Bochum í 14. sæti með 10 stig og Mainz í 16. sæti með 8 stig.

Úrslit og markaskorarar:

Hoffenheim 1 - 1 Mainz
0-1 Marco Richter ('39 )
1-1 Robert Skov ('48 )
1-1 Aymen Barkok ('68 , Misnotað víti)

Heidenheim 0 - 0 Bochum