Þróttur Vogum hefur bætt við sig leikmanni fyrir átökin í Lengjudeildinni á komandi sumri. Þróttarar komust upp úr 2. deildinni með glæsibrag í fyrra.
Enski miðjumaðurinn James Dale er kominn til félagsins frá Víkingi Ólafsvík en liðin höfðu deildaskipti á síðasta tímabili.
Enski miðjumaðurinn James Dale er kominn til félagsins frá Víkingi Ólafsvík en liðin höfðu deildaskipti á síðasta tímabili.
Dale er 28 ára enskur miðjumaður sem er uppalinn hjá Reading og Bristol Rovers. Hann gekk til liðs við Forfar Athletic FC í Skotlandi 2013 og spilaði þar í tvö ár.
Hann lék 65 leiki í Scottish League One (Skoska C-deildin). Hann skipti í Brechin City 2015 og lék 80 leiki í Scottish League One og Scottish Championship (skoska C og B deildin). James kom fyrst til Íslands um mitt sumar 2018 og kláraði tímabilið með Njarðvík áður en hann gekk til liðs við Víkinga.
James mun koma til landsins 1. mars.
Athugasemdir
