Mynd: Getty Images

Swansea City og Rotherham gerðu 1-1 jafntefli er liðin mættust í eina leik kvöldsins í Championship deildinni.

Heimamenn í Swansea voru með yfirhöndina í fyrri hálfleik og tóku forystuna skömmu fyrir leikhlé með marki frá Joel Piroe.

Dæmið snerist algjörlega við síðari hálfleik þar sem Chiedozi Ogbene var gífurlega snöggur að jafna fyrir Rotherham sem tók öll völd á vellinum í kjölfarið.

Gestirnir stjórnuðu gangi mála í síðari hálfleik þrátt fyrir að vera lítið með boltann og voru óheppnir að fullkomna ekki endurkomuna með sigurmarki.

Swansea er tíu stigum frá umspilsbaráttunni eftir þetta jafntefli á meðan Rotherham er sex stigum fyrir ofan fallbaráttuna.