Stuðningsmenn tyrkneska liðsins Besiktas köstuðu þúsundum 'bangsa' inn á völlinn í leik liðsins gegn Antalyaspor. Leikföngunum var svo safnað saman og þau verða gefin börnum sem urðu fyrir áhrifum af jarðskjálftunum í Tyrklandi og Sýrlandi.
Gert var hlé á leiknum eftir fjórar mínútur og sautján sekúndur en fyrsti jarðskjálftinn sem skók Tyrkland og Sýrland var klukkan 04:17 þann 6. febrúar.
Yfir 50 þúsund manns hafa látist eftir jarðskjálftana.
Það voru stuðningsmenn Besiktas sem stóðu fyrir þessum táknræna viðburði í gær og var hann kallaður 'Þetta leikfang er vinur minn'.
Leikmenn Besiktas hituðu upp í treyjum merktum þeim borgum landsins sem urðu fyrir jarðskjálftunum og fyrir leikinn var klappað fyrir björgunarsveitafólki.
Fótboltaliðin Gaziantep og Hatayspor hafa dregið sig úr tyrknesku deildakeppninni þetta tímabilið eftir jarðskjálftana. Christian Atsu, leikmaður síðarnefnda liðsins, var meðal fórnarlamba skjálftana og fannst látinn undir húsarústum.
THE BEAUTIFUL GAME????????????:
— Akosua Adjei (@Akosua__Adjei) February 27, 2023
Besiktas and Antalyaspor fans showered the Istanbul pitch with toys to benefit children affected by earthquake during their match on Sunday. pic.twitter.com/JSd1HfynEL
Athugasemdir
