Alls ekki auðvelt að skilja Jón Daða eftir
Landsliðsþjálfarinn Arnar Þór Viðarsson var spurður út í stöðuna á Jóni Daða Böðvarssyni hjá Millwall. Jón Daði hefur ekki verið inn í myndinni hjá Millwall og einungis komið við sögu í deildabikarnum. Jón Daði hefur verið í frekar stóru hlutverki í landsliðinu undanfarin ár en er ekki í hópnum að þessu sinni.
Veistu hver hans vilji er varðandi hans framtíð hjá Millwall?
Veistu hver hans vilji er varðandi hans framtíð hjá Millwall?
„Jón Daði er akkúrat núna ekki í myndinni. Glugginn er ennþá opinn og maður vonar að Jón Daði komist annað hvort í liðið aftur hjá Millwall eða (fari) einhvert annað vegna þess að Jón Daði er rosalega góður leikmaður fyrir þjálfara að hafa. Það er alls ekki auðvelt að skilja Jón Daða eftir (utan landsliðshópsins)," sagði Arnar.
Jón Daði lék nítján mínútur gegn Cambridge á þriðjudag í deildabikarnum. Fyrir þann leik hafði hann ekki verið í leikmannahópnum hjá Millwall á tímabilinu.
Hann er 29 ára sóknarmaður sem á að baki 60 A-landsleiki. Jón Daði gekk í raðir Millwall árið 2019 frá Reading.
Sjá einnig:
Jón Daði á sölulista hjá Millwall (16. júní)
Athugasemdir