Á síðasta tímabili varði Chante mark Stjörnunnar í Bestu deildinni. Hún spilaði 16 leiki er Stjarnan hafnaði í öðru sæti.

Chante kom fyrst hingað til lands til að spila með Selfossi en hún hefur einnig leikið með Haukum hér á landi.

„Hún hefur metnað fyrir þjálfun og frábært fyrir okkar stelpur að fá hana inní okkar starf. Chante mun einnig sjá um markamannsþjálfun hjá meistaraflokki kvenna og yngri flokkum hjá stúlkum. Jafnframt mun Chante koma inn í þjálfun yngri flokka hjá félaginu og þjálfa 4. og 7. flokk kvenna," segir í tilkynningu Grindavíkur.

„Það er frábært að fá Chanté til félagsins. Hún á að baki frábæran feril sem leikmaður og mun koma sterk inn í þjálfun hjá félaginu. Ég hlakka til samstarfsins og býð Chanté velkomna til félagsins,“ segir Steinberg Reynisson, formaður meistaraflokksráðs

Grindavík hafnaði í sjöunda sæti Lengjudeildarinnar á síðustu leiktíð.