Sextán liða úrslit enska bikarsins hefjast með fjórum leikjum í kvöld og svo verða seinni fjórir spilaðir annað kvöld.
Í kvöld mæta fimm úrvalsdeildarfélög til leiks og þrjú félög úr Championship deildinni. Það er því óumflýjanlega einn úrvalsdeildarslagur meðal leikja kvöldsins.
Þriðjudagskvöldið hefst í Stoke þar sem heimamenn taka á móti léttleikandi lærisveinum Roberto De Zerbi frá Brighton.
Skömmu síðar hefst viðureign Leicester á heimavelli gegn Blackburn Rovers og í kjölfarið fer eini úrvalsdeildarslagur kvöldsins af stað. Sá verður spilaður í London þegar spútnik lið Fulham tekur á móti Leeds United.
Englandsmeistarar Manchester City mæta svo til leiks í síðasta leik kvöldsins. Þeir heimsækja Championship-lið Bristol City í tilraun til að vinna sér inn sæti í 8-liða úrslitum.
Enski bikarinn
19:15 Stoke City - Brighton
19:30 Leicester - Blackburn
19:45 Fulham - Leeds
20:00 Bristol City - Man City