Tómas Orri úr Breiðabliki í Grindavík (Staðfest) - Númi líka á förum

Tómas Orri sem verður 19 ára gamall í apríl næstkomandi spilaði tvo leiki með aðalliði Breiðabliks í Lengjubikarnum fyrir ári síðan.

Hann er Siglfirðingur sem var 12 ára í akademíu hjá Watford á Englandi.

Tómas Orri hefur verið í landsliðsúrtökum hjá U19 ára liði Íslands. Hann er sonur þjálfarans Róberts Haraldssonar sem þjálfaði kvennalið Grindavíkur árið 2017.

Svo gæti farið að annar leikmaður fylgi honum til Grindavíkur því Arnar Númi Gíslason gæti einnig farið til félagsins á næstunni. Grótta hefur einnig sýnt honum áhuga.