Hermann Hreiðarsson
Hermann Hreiðarsson, þjálfari ÍBV, var í skýjunum með frammistöðu liðsins í 2-0 sigrinum á KA í Bestu deild karla í kvöld.
Lestu um leikinn: ÍBV 2 - 0 KA
Bjarki Björn Gunnarsson og Oliver Heiðarsson skoruðu mörk Eyjamanna sem eru nú komnir upp í 8. sæti deildarinnar.
Hermann hefur verið sérstaklega ánægður með síðustu leiki og segir að liðið ætli sér meira.
„Þetta var frábær frammistaða hjá strákunum og svona hefur þetta verið, sérstaklega í síðustu fjórum leikjum. Fyllilega verðskulduð þrjú stig.“
„Við höfum trú á því sem við erum að gera. Við höfum verið að fá fullt af færum og komið okkur í góðar stöður en í dag var extra fókus og okkur langaði rosalega í sigurinn.“
Oliver fékk sérstakt hrós en hann lagði upp fyrra markið. Hann hefur verið óheppinn með mörk í sumar en þetta var aðeins annað mark hans í deildinni.
„Hann var stórkostlegur og þetta er vakalegt vopn sem hann er með og það er hraðinn. Hann er með meiri hraði en flestir eða allir í deildinni. Hann nýtti það vel í dag, frábært mark og stoðsending. Hann var geggjaður í dag og hann er búinn að vera sterkur fyrir okkur en verið óheppinn, skaut þarna í stangirnar og svona en hann var geggjaður í dag og við vitum að við erum með frábæran leikmann í höndunum.“
Eyjamenn eru komnir í ágætis stöðu. Liðið er ekki lengur í fallsæti og spilar næstu tvo leiki heima. Hann vonast til að liðið nýti sér það.
„Við eigum tvo heimaleiki í viðbót og við vitum að við erum sterkir hérna og það er taktur í liðinu. Fjórir leikir þar sem ég er rosalega ánægður með frammistöðuna og framlagið er rosalegt og stemningin er góð. Við ætlum okkur meira,“ sagði Hermann í lokin.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
