Gústi stýrði sínum síðasta leik fyrir Breiðablik í dag.
Ágúst Gylfason stýrði sínum síðasta leik sem þjálfari Breiðabliks í 2-1 tapi gegn KR í lokaumferð Pepsi Max-deildar karla í dag.
„Þetta var 50/50 leikur. KR-ingar eru með gæði og við gerðum okkar besta. Náum að minnka muninn í 2-1 og sýndum smá karakter." sagði Gústi eftir leikinn í dag.
„Þetta var 50/50 leikur. KR-ingar eru með gæði og við gerðum okkar besta. Náum að minnka muninn í 2-1 og sýndum smá karakter." sagði Gústi eftir leikinn í dag.
Lestu um leikinn: Breiðablik 1 - 2 KR
Breiðablik endaði tímabilið í öðru sæti deildarinnar, fjórtán stigum á eftir Íslandsmeisturum KR, og er þetta í annað skipti á tveimur árum sem að Gústi nær silfrinu. Honum var tilkynnt í vikunni að hann fengi ekki að halda áfram með Breiðablik á næsta tímabili. En hvernig var tilfinning að stýra þeim í dag vitandi að þetta væri hans síðasti leikur?
„Það var bara fínt. Við erum með flott lið og flotta liðsheild. Við vissum að þetta yrði erfitt verkefni en spilamennskan var flott í dag þótt við náðum ekki að vinna þannig að við göngum sáttir frá borði."
Búast má við einhverjum hræringum í þjálfaramálum á Íslandi og segir Gústi að það séu strax byrjaðar þreifingar fyrir nýju starfi hjá sér.
„Ég fékk ekki að vita neina ástæðu fyrir brottrekstrinum en ég er þakklátur fyrir minn tíma hér. Það eru nokkur lið búin að hafa samband við mig og við fáum að sjá á næstu vikum hvað gerist í framhaldinu." sagði Gústi að lokum en þar talar hann um bæði lið í Pepsi Max-deildinni og Inkasso-deildinni.
Nánar er rætt við Gústa í spilaranum að ofan.
Athugasemdir
