Sigur Elche gegn Celta Vigo var sá þriðji á tímabilinu, en það var Andre Silva sem kom liðinu af stað með marki á 18. mínútu sem var hans þriðja í síðustu fjórum leikjum.

Forysta Elche varði aðeins í fjórar mínútur. Ilaix Moriba kom boltanum inn á Borja Iglesias sem skoraði fimmta leikinn í röð.

Celta Vigo gat tekið forystuna úr vítaspyrnu snemma í síðari hálfleik en Ionut Radu héld Elche-mönnum á floti laglegri markvörslu.

John Donald sá um að sækja stigin þrjú fyrir Elche er hann hirti frákast og hamraði boltanum í þaknetið.

Þriðji sigur Elche staðreynd og liðið áfram taplaust eftir sjö leiki.

Nýtt félagsmet hjá nýliðunum sem eru að spila sitt áttunda tímabil í efstu deild síðan félagið var sett á laggirnar árið 1923. Það er að slá félagsmetið í hverri viku, en fyrir tímabilið hafði liðinu aðeins tekist að vinna þrjá leiki í röð í efstu deild.

Elche er í 4. sæti með 13 stig, fimm stigum frá toppnum.

Akor Adams var hetja Sevilla í 1-0 sigrinum á Rayo Vallecano í Madríd.

Nígeríumaðurinn tryggði sigurinn á 87. mínútu. Fyrirgjöfin kom frá hægri og smellhitti Adams boltann sem fór í samskeytin nær.

Í uppbótartíma var Sergio Camello, leikmaður Rayo, rekinn af velli fyrir kjaftbrúk.

Sevilla er í 8. sæti með 10 stig en Rayo í 16. sæti með 5 stig.

Elche 2 - 1 Celta
1-0 Andre Silva ('18 )
1-1 Borja Iglesias ('22 )
1-1 Rafa Mir ('54 , Misnotað víti)
2-1 John Donald ('68 )

Rayo Vallecano 0 - 1 Sevilla
0-1 Akor Adams ('87 )
Rautt spjald: Sergio Camello, Rayo Vallecano ('90)