Shawky Garib, landsliðsþjálfari U23 liðs Egyptalands, hefur ítrekað það að hann ætli að velja Mohamed Salah á Ólympíuleikana í sumar.
Ólympíuleikarnir verða haldnir frá 23. júlí til 8. ágúst en þrír leikmenn yfir 23 ára aldur mega vera valdnir í hópinn.
Salah hefur spilað afar mikið af leikjum með Liverpool á tímabilinu og verður væntanlega þreyttur í sumar.
Það er þó enn vilji Egyptalands að Salah spili á mótinu en hann myndi þá einnig missa af undirbúningstímabili Liverpool.
Hann væri því í hættu á að missa af fyrsta leik Liverpool í deildinni á næsta tímabili.
Liverpool tekur ekki vel í það að Egyptaland ætli að velja Salah en hvort það verði eitthvað úr því kemur í ljós síðar.
Athugasemdir