Ruben Amorim þjálfari Manchester United segir að liðið þurfi á nýjum vængbakverði að halda.
Hann er mjög hrifinn af ungstirninu Amad Diallo sem hefur verið að spila vel í hægri vængbakvarðarstöðunni, en hann segist vanta hæfan mann á vinstri vænginn.
Diogo Dalot og Patrick Dorgu hafa verið notaðir vinstra megin en Amorim er ekki nógu ánægður með þá. Dalot hefur ekki verið að spila nægilega vel í vængbakvarðarhlutverkinu á meðan Dorgu er ekki nægilega góður með hægri löppinni.
„Við þurfum tíma til að verða betri eins og ég hef endurtekið síðasta árið. Til dæmis í síðasta leik gegn 10 andstæðingum þá vantaði okkur vængbakvörð eins og Amad nema bara réttfættu útgáfuna," sagði Amorim á fréttamannafundi í gær. „Við þurfum tíma til að vera upp á okkar besta í hverri stöðu en við erum að taka skref í rétta átt."
Man Utd tapaði heimaleik gegn 10 leikmönnum Everton um síðustu helgi og heimsækir bikarmeistara Crystal Palace í hádeginu á morgun. Amorim hefur verið harðlega gagnrýndur fyrir að nota eingöngu 3-4-2-1 leikkerfið sitt á þjálfaratíð sinni hjá Rauðu djöflunum, en það er mjög svipað leikkerfi og Oliver Glasner notast við hjá Palace.
„Mér finnst mjög fyndið þegar það er verið að gagnrýna þetta 3-4-3 leikkerfi. Ég held að United sé með hæsta xG í úrvalsdeildinni," sagði Glasner þjálfari Palace á sínum fréttamannafundi.
„Liðið þeirra er betra núna heldur en í fyrra. Þá vantaði að skora fleiri mörk og þeir keyptu þrjá frábæra leikmenn fyrir 200 milljónir. Þeir eru að spila betur en í fyrra og leggja meiri vinnu á sig, það eru jákvæð teikn á lofti."
Man Utd er með 18 stig eftir 12 umferðir í ensku úrvalsdeildinni, tveimur stigum á eftir Crystal Palace.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 17 | 12 | 3 | 2 | 31 | 10 | +21 | 39 |
| 2 | Man City | 17 | 12 | 1 | 4 | 41 | 16 | +25 | 37 |
| 3 | Aston Villa | 16 | 10 | 3 | 3 | 25 | 17 | +8 | 33 |
| 4 | Chelsea | 17 | 8 | 5 | 4 | 29 | 17 | +12 | 29 |
| 5 | Liverpool | 17 | 9 | 2 | 6 | 28 | 25 | +3 | 29 |
| 6 | Sunderland | 17 | 7 | 6 | 4 | 19 | 17 | +2 | 27 |
| 7 | Man Utd | 16 | 7 | 5 | 4 | 30 | 26 | +4 | 26 |
| 8 | Crystal Palace | 17 | 7 | 5 | 5 | 20 | 17 | +3 | 26 |
| 9 | Brighton | 17 | 6 | 6 | 5 | 25 | 23 | +2 | 24 |
| 10 | Everton | 17 | 7 | 3 | 7 | 18 | 20 | -2 | 24 |
| 11 | Newcastle | 17 | 6 | 5 | 6 | 23 | 22 | +1 | 23 |
| 12 | Brentford | 17 | 7 | 2 | 8 | 24 | 25 | -1 | 23 |
| 13 | Tottenham | 17 | 6 | 4 | 7 | 26 | 23 | +3 | 22 |
| 14 | Bournemouth | 17 | 5 | 7 | 5 | 26 | 29 | -3 | 22 |
| 15 | Fulham | 16 | 6 | 2 | 8 | 23 | 26 | -3 | 20 |
| 16 | Leeds | 17 | 5 | 4 | 8 | 22 | 30 | -8 | 19 |
| 17 | Nott. Forest | 16 | 5 | 3 | 8 | 17 | 25 | -8 | 18 |
| 18 | West Ham | 17 | 3 | 4 | 10 | 19 | 35 | -16 | 13 |
| 19 | Burnley | 17 | 3 | 2 | 12 | 19 | 34 | -15 | 11 |
| 20 | Wolves | 17 | 0 | 2 | 15 | 9 | 37 | -28 | 2 |
Athugasemdir
