Greint hefur verið frá því á síðustu dögum að spænska stórveldið Real Madrid hafi ekki lengur áhuga á að semja við Ibrahima Konaté, miðvörð Liverpool og franska landsliðsins.
28.11.2025 12:00
Áhugi Real Madrid horfinn
Konaté hefur ekki átt gott tímabil með Liverpool og stóð sig illa í stóru tapi gegn PSV Eindhoven í miðri viku. Hann rennur út á samningi næsta sumar og greinir Sky Sports frá því að Liverpool sé enn að reyna að semja við leikmanninn þrátt fyrir slaka frammistöðu í síðustu leikjum.
Samningaviðræður hafa ekki gengið vel hingað til þar sem Konaté er talinn vilja skipta til Real Madrid, en hann gæti lækkað launakröfur sínar núna þegar áhugi Madrídinga fer dvínandi.
Talið er að Konaté muni bíða með að taka ákvörðun þar til eftir áramót þar sem hann fær leyfi til að ræða við erlend félög í janúar. Þá mun hann skoða alla mögulega kosti og taka ákvörðun.
Vitað er að Liverpool hefur mikinn áhuga á Marc Guéhi miðverði Crystal Palace og enska landsliðsins sem rennur út á samningi næsta sumar. Hann gæti fyllt í skarðið fyrir Konaté kjósi Frakkinn að yfirgefa félagið á fr´jalsri sölu.
Englandsmeistararnir eru staðráðnir í að virða launastrúktur félagsins og geta því ekki mætt núverandi launakröfum Konaté.
Athugasemdir
