Neymar ætlar ekki niður með Santos
Brasilíski fótboltamaðurinn Neymar var hetja Santos í 3-0 sigri liðsins á Sport Recife í fallbaráttuslag í Brasilíu í nótt, en hann fór gegn læknisráði til þess að hjálpa uppeldisfélaginu.
Neymar meiddist á hné á dögunum og var honum ráðlagt að taka því rólega.
Læknar sögðu að hann yrði frá út árið, en Neymar hunsaði ráð þeirra og tók ákvörðun um að spila gegn Sport Recife, þó það gæti haft veruleg áhrif á feril hans.
Brasilísku miðlarnir sögðu hann hafa fengið sérstaka sprautu til þess að lina þjáningarnar fyrir leikinn, en hann er að glíma við meiðsli á hné.
Neymar var besti maður leiksins, en hann skoraði fyrsta mark Santos og lagði síðan upp þriðja markið til að koma Santos upp úr fallsæti þegar tvær umferðir eru eftir.
Sóknarmaðurinn hefur ekki útilokað að spila síðustu tvo deildarleiki tímabilsins, en Santos mun líklega aðeins þurfa að vinna einn leik til viðbótar til að bjarga sér frá falli.
Santos er nú í 15. sæti með 41 stig, tveimur stigum fyrir ofan fallsæti.
Neymar vs Sport (H)
— Ney (@Neycromancer) November 29, 2025
One functioning knee and a dream
pic.twitter.com/UHhlj6AcGu
Athugasemdir
