Haaland með stíflað markaskoraranef

Það var beðið með mikilli eftirvæntingu að sjá Erling Haaland leikmann City og Darwin Nunez leikmann Liverpool spila fyrsta alvöru leikinn eftir komu sína til Englands í sumar.

Haaland var í byrjunarliðinu en Nunez byrjaði á bekknum.

Haaland komst lítið í boltann en hann náði þó að ógna í nokkur skipti. Á loka mínútu leiksins komst hann í dauðafæri en setti boltann í slánna af stuttu færi.

„Hann er langfyrstur á þennan bolta, hann veit nákvæmlega hvað hann er að fara gera. Þetta er markaskoraranef en smá stíflað bara," sagði Pálmi Rafn Pálmarsson í umfjöllun á Stöð 2 Sport eftir leikinn.