„Mér fannst þetta bara frábærlega vel spilaður leikur hjá okkur. Óskiljanlegt að þetta hafi bara farið 1-1, en svona er þetta bara stundum í fótbolta.'' segir Pétur Pétursson, þjálfari Val, eftir 1-1 jafntefli gegn Þrótt í 1. umferð i efri hluta bestu deild kvenna.
Lestu um leikinn: Valur 1 - 1 Þróttur R.
Þrátt fyrir að spila miklu betur nánast allan leikinn og eiga fullt af færum, skoraði Valur aðeins eitt mark.
„Við skoruðum reyndar tvö, hann dæmdi annað markið af,''
Breiðablik tók efsta sæti af Val eftir þeirra sigur gegn Víking. Pétur var spurður út í hvort þetta setji meiri pressu á liðið.
„Neinei, við erum að fara út núna fyrir Meistaradeildinna. Svo er það bara næsti leikur á Íslandi.''
Valur er á næstu dögum að fara út til Hollands til að spila í umspili fyrir Meistaradeildinna.
„Við spilum gegn makedónsku liði í fyrra leiknum og við vitum svo sem ekki mikið um þar. Ef við vinnum þann leik spilum við gegn Twente sem er erfitt lið. Við þurfum að eiga okkar lang besta leik til að vinna þar,''
Hægt er að horfa á viðtalið í heild sinni hér fyrir ofan.