Diaz, Salah, Gallagher, Jorginho, Greenwood, Cancelo og fleiri góðir í slúðri dagsins
   fim 30. nóvember 2023 10:17
Guðmundur Aðalsteinn Ásgeirsson
Þjálfari FCK: Eru bestir ásamt Manchester City
Jacob Neestrup og Orri Steinn Óskarsson.
Jacob Neestrup og Orri Steinn Óskarsson.
Mynd: Fótbolti.net - Hafliði Breiðfjörð
FC Kaupmannahöfn er í ágætis möguleika á því að komast upp úr riðli sínum í Meistaradeildinni þegar ein umferð er eftir af riðlakeppninni.

Danmerkurmeistararnir gerðu markalaust jafntefli gegn þýska stórveldinu Bayern München á útivelli í gær. Áður í riðlinum höfðu þeir unnið sigur á Manchester United.

Jacob Neestrup, fyrrum leikmaður FH, stýrir FCK en hann var gríðarlega ánægður með leikinn í gærkvöldi. Hann segir úrslitin gegn Bayern ein þau stærstu og bestu í sögu danska félagsins. Bayern hafði unnið 17 leiki í röð í riðlakeppni Meistaradeildarinnar fyrir leikinn í gær.

„Við vorum að mæta einu af tveimur bestu liðum í heimi," sagði Neestrup eftir leikinn. „Þeir eru bestir ásamt kannski Manchester City. Þetta eru risastór úrslit."

Með sigri gegn Galatasaray í lokaumferðinni, þá fer FCK áfram í 16-liða úrslit Meistaradeildarinnar í annað sinn í sögu félagsins.
Athugasemdir
banner
banner
banner
banner
banner