Aston Villa er búið að krækja í spænska sóknarmanninn Borja Baston á frjálsri sölu frá Swansea á þessum gluggadegi.
Samningur hans átti að renna út eftir tímabilið og þess vegna ákvað Swansea að hleypa honum til Villa á frjálsri sölu.
Baston er 27 ára gamall og hefur verið mála hjá Swansea frá 2016. Síðustu tvö tímabil var hann á láni á Spáni, hjá Malaga og Alaves. Á þessu tímabili hefur hann skorað sex mörk í 19 leikjum með Swansea í Championship-deildinni.
Aston Villa er í 16. sæti ensku úrvalsdeildarinnar, tveimur stigum frá fallsæti.
Athugasemdir
