„Það er mikilvægt að fá fyrstu þrjú stigin í riðlinum," sagði Birkir Bjarnason eftir 4-1 sigur gegn Liechtenstein í undankeppni HM 2022 í kvöld.
„Við erum ekki ánægðir með leikina í heild en gott að ná í fyrstu stigin," sagði Birkir í samtali við RÚV.
„Við erum ekki ánægðir með leikina í heild en gott að ná í fyrstu stigin," sagði Birkir í samtali við RÚV.
Ísland er búið að spila þrjá leiki á skömmum tíma og Birkir hefur byrjað þá alla.
„Það er alltaf heiður og gaman að spila landsleiki. Það voru allir gíraðir í þetta og klárir í að ná í þrjú stig. Það var vel gert hjá okkur að klára þetta."
„Þetta var svo sem alveg eins og þjálfararnir voru búnir að teikna upp. Þetta fór alveg eftir plani; við vorum mikið með boltann, gerðum vel, vorum þolinmóðir og mörkin komu á endanum."
Næstu leikir í riðlinum eru í september og þá spilar Ísland fyrstu heimaleiki sína. „Þetta er alveg opinn riðill," sagði Birkir.
Athugasemdir