FH-ingar fagna einum af átta mörkum dagsins.
,,Við spiluðum virkilega vel og ég er ánægður með svörin sem við fengum. Við spiluðum ekki vel á móti KR og töpuðum þar og menn komu gríðarleg einbeittir inn í þennan leik. Við spiluðum vel og kláruðum þetta með stæl," sagði Heimir Guðjónsson þjálfari FH eftir 8-0 sigur á Fylki í Pepsi-deildini í dag.
Lestu um leikinn: FH 8 - 0 Fylkir
,,Við töpuðum fyrir KR og svo þurfti að bíða í 10 daga fram að næsta leik. Það er ekkert sérstaklega skemmtilegt en mér fannst við svara því vel í dag."
,,Fylkismenn misstu mann af velli í seinni hálfleik og þá var þetta aðveldara í sjálfu sér en ég er líka ánægður með að bæði Atli Viðar og Albert Inga skyldu skora og opna markareikninginn. Fimm umferðir búnar og hvorugur þeirra búinn að skora, það var jákvætt líka."
,,Mér fannst við meiga fara meira út á vængina í fyrri hálfleik. Við sjáum að markið hjá Alberti Inga kemur eftir fyrirgjöf frá Atla Guðna. Það er ekkert hægt að kvarta þegar þú vinnur stórt á heimavelli, þá eiga allir að vera ánægðir."
,,Við eigum að spila við Fylki í bikarnum á föstudaginn og við verðum gjörsamlega að ná okkur niður á jörðina fyrir þann leik og vera klárir.
Nánar er rætt við Heimi í sjónvarpinu að ofan.
Athugasemdir
