Sölvi Geir Ottesen:
Sölvi er ekki í hópnum en hann fór á dögunum frá Jiangsu Suning í kínversku úrvalsdeildinni yfir í Wuhan Zal í næstefstu deild. Heimir segir: „Hann taldi þetta vera gott skref fyrir sig. Við vitum nákvæmlega hvað Sölvi getur. Hann fær að spila þarna og hann verður ekki lélegri þó hann fari deild neðar. Hann er leikmaður sem við vitum nákvæmlega hvað getur."

Rúrik Gíslason:
Rúrik er ekki í hópnum en hann hefur verið að glíma við meiðsli frá því í haust. Heimir: „Hann hefði átt að vera í hópnum í síðasta leik í Þýskalandi en það voru tryggingar sem komu í veg fyrir það. Hann verður líklega í hóp í næsta leik og það verður spennandi að sjá hvernig hann kemur til baka eftir erfið meiðsli."

Aron Sigurðarson:
Aron skoraði gegn Bandaríkjunum í mars og hefur byrjað vel hjá Tromsö. „Aron stóð sig mjög vel úti í Bandaríkjunum og er spennandi strákur. Hann stóð sig mjög vel í fyrsta leik í Noregi og er búinn að taka skref upp á við. Ef við miðum við fyrsta leik þá gæti hann tekið miklum framförum á stuttum tíma."

Björn Bergmann Sigurðarson:
Björn Bergmann er byrjaður að spila á fullu með Wolves: „Hann hefur ekki verið efstur á forgangslistanum að skoða en auðvitað fylgjumst við með honum."

Sjáðu allar landsliðsfréttir dagsins á einum stað:
Hópurinn í heild - Eiður Smári ekki með
16 æfingar og fjórir leikir í stóru stundina
Lars svarar KSÍ í síðasta lagi í maí
Heimir: 10-15 aðrir leikmenn eiga góða möguleika fyrir EM
Geir vonast eftir að Lars haldi áfram
Heimir: Diego getur klárlega orðið framtíðarmaður
Heimir um Aron Sig, Björn Bergmann, Rúrik og Sölva
Lars: Mikil keppni um 4-5 sæti í hópnum
Lars: Mikil keppni um 4-5 sæti í hópnum
Fréttamannafundurinn í heild sinni
Heimir: Tökum vonandi öll framförum á EM