Fótbolti.net

Guðný: Þetta lítur ótrúlega vel út

Sandra María: Góða íslenska veðrið vinnur með okkur

„Skrítið ef ég stæði hérna og segði að við ættum ekki möguleika"

Hildur Antons: Spenntar að fá að vígja grasið

Vicente: Við Alex ræddum þetta fyrir leik

Ingvar Jóns heiðarlegur: Höfum ekkert verið frábærir í sumar

Láki: Þetta mun rúlla bara þessa fríviku

Anton Logi spilaði miðvörð: Forréttindi að spila með Viktori

Víkingar komu Dóra gríðarlega á óvart - „Hentaði ekki vel á móti okkur"

Sölvi svekktur: Veit ekki hvað ég á að segja

Sverrir Páll: Þetta var svona Zlatan mark

Maggi Már: Jú jú, ef Heimir vill meina það

Heimir: Þeir gerðu vel í að hægja á tempói og drepa leikinn

Jökull: Get ekki betur séð en að dómararnir láti það hafa áhrif á sig

Haddi: Ef það er rétt sem þú segir þá því miður var það vitlaus ákvörðun

Ívar Örn: Þeir missa þetta upp í sína eigin vitleysu

Samúel viðurkennir hendina - „Veit ekki hvernig reglan er"

Eggert Aron: Held að fólk á Íslandi átti sig ekki alveg á þessu

Freyr léttur: Veit ekki hvort það var mikið partý á fólkinu í gær eða hvað

Aron Þórður: Fótboltinn vann í dag

fös 02. júní 2023 22:28

Guðmundur Aðalsteinn Ásgeirsson
Kópavogsvelli

Arnar mjög pirraður: Minnti á æfingu hjá Willum í gamla daga

Arnar Gunnlaugsson, þjálfari Víkinga.

Mynd: Jónína Guðbjörg Guðbjartsdóttir

Víkingar fagna marki í kvöld.

Mynd: Fótbolti.net

Arnar Gunnlaugsson, þjálfari Víkings, var vægast sagt pirraður eftir dramatískt jafntefli gegn Breiðabliki í Bestu deildinni í kvöld.

Víkingar komust í 0-2 í fyrri hálfleik og virtust vera að sigla sigrinum heim í Fossvoginn, en Blikar skoruðu tvisvar í uppbótartímanum og jöfnuðu metin.

Lestu um leikinn: Breiðablik 2 - 2 Víkingur R.

„Þetta er ósanngjarnt, ógeðslegt, ömurlegt, hræðilegt, katastrófa og allur þann pakki. Ég vorkenni strákunum, ég virkilega vorkenni þeim," sagði Arnar við Fótbolta.net eftir leik.

Jöfnunarmark Víkinga kom 40 sekúndum eftir að uppgefinn uppbótartími hafði klárast, en Blikar skoruðu fyrr í uppbótartímanum.

„Ef uppbótartíminn heldur endalaust áfram þangað til hitt liðið skorar... þetta minnir mann á æfingu með Willum Þór í gamla daga hjá KR. Liðið hans var alltaf að tapa og við spiluðum í tvo klukkutíma, þangað til að hans lið vann og þá gátu allir farið heim. Þetta er hlægilegt," sagði Arnar en hann var ósáttur við dómgæsluna.

„Eftir 76 mínútur fengu Blikar sitt fyrsta spjaldið í leiknum og við máttum ekki komast upp með neitt. Gaurinn hefur aldrei horft á leik í ensku úrvalsdeildinni, hann leyfði okkur ekki neitt. Hann var bara lélegur í dag," sagði Arnar um Ívar Orra, dómara. „Hann var ekki þessum leik til sóma."

„Hann gat ekki beðið eftir að flauta þegar Dani kemst einn í gegn í fyrri hálfleik. Ég er virkilega pirraður. Pirraður út í þessa gaura því þeir eru bara búnir að vera lélegir í sumar, virkilega lélegir."

Arnar fór svo yfir nokkur atvik í sumar þar sem hann hefur verið ósáttur með dómgæsluna. „Johan Cruyff sagði að þú eigir að búa til lið svo þú þurfir ekki á dómurum að halda. Það hafa komið ansi mörg atvik í sumar hjá okkur... dómararnir á Íslandi eru að alltof mikil skítaáhrif á leiki, í staðinn fyrir að tvö liðið séu að spila og betra liðið vinni fokking leikinn."

„Ég er orðinn þreyttur á þessu, takið ykkur taki og gerið þetta almennilega," sagði Arnar pirraður en Víkingar geta tekið það með sér jákvætt frá kvöldinu að þeir eru með fimm stiga forskot á toppnum.

„Það er ekkert að því, en við hefðum getað verið með átta stig á Blikana. Við hefðum getað skilið þá eftir í baksýnisspeglinum. Ég veit að þeir voru að fagna eins og heimsmeistarar í lokin en þeir eru fimm stigum á eftir okkur. Við skulum það á hreinu. Ég veit ekki hvað ég á að segja. Þetta var svo mikið bull í lokin að það hálfa væri nóg," sagði Arnar að lokum.