Portúgalinn Diogo Dalot er að ganga í raðir ítalska stórliðsins AC Milan en frá þessu greinir blaðamaðurinn Gianluca Di Marzio í kvöld.
Dalot er 21 árs gamall bakvörður en hann er samningsbundinn Manchester United á Englandi.
Dalot kom frá portúgalska stórliðinu Porto fyrir tveimur árum en hefur aðeins spilað 20 deildarleiki til þessa.
United var opið fyrir því að hleypa Dalot burt í þessum glugga og gerir hann lánssamning við Milan.
Di Marzio segir að Dalot sé á leið til Ítalíu og mun gangast undir læknisskoðun á morgun.
Athugasemdir