Þýsku félögin Hertha Berlin og Hoffenheim vilja fá Ryan Sessegnon á láni frá Tottenham áður en félagaskiptaglugginn lokar á mánudag.

Sessegnon spilaði einungis tólf leiki hjá Tottenham á síðasta tímabili.

Sessegnon getur spilað á vinstri kanti og í vinstri bakverði en eftir komu Sergio Reguilon og Gareth Bale er samkeppnin ennþá meiri fyrir hann.

Hinn tvítugi Sessegnon hefur ekki verið í leikmannahópi Tottenham í neinum leik á þessu tímabili og er líklega á förum á láni.