Albert Hafsteins spáir í 22. umferð ensku úrvalsdeildarinnar

Albert stuðningsmaður Arsenal.

Mynd: Fótbolti.net - Hafliði Breiðfjörð

Mitoma verið frábær að undanförnu.

Mynd: EPA

Boehly fangelsaður?

Mynd: Getty Images

Lloris gert andstæðingum sínum nokkra greiðanna á þessu tímabili.

Mynd: EPA

Albert stuðningsmaður Arsenal.

Mynd: Fótbolti.net - Hafliði Breiðfjörð

Enska úrvalsdeildin snýr aftur í kvöld eftir bikarhlé. Chelsea mætir Fulham í nágrannaslag, umferðin heldur áfram á morgun með sjö leikjum og lýkur svo með viðureign Manchester City og Tottenham á sunnudag.

Logi Geirsson var spámaður síðustu umferðar og var hann með fjóra rétta. Reykjavíkurmeistarinn Albert Hafsteinsson spáir í leiki umferðarinnar.

Chelsea 2 - 1 Fulham (Í kvöld 20:00)
Held að Chelsea taki þennan leik með herkjum. Það hlýtur einhver að fangelsa Todd Boehly eftir þennan glugga. Selur besta manninn sinn til Arsenal og kaupir bara eitthvað inn.

Everton 0 - 4 Arsenal (Laugardagur 12:30)
Alltaf erfitt að mæta liði með nýjan stjóra. Ekki fyrir þetta Arsenal lið samt. Bara spurning hvort við skorum 4 eða 5 mörk. Saka og Martinelli munu leika bakverði Everton grátt.

Aston Villa 1 - 0 Leicester (Laugardagur 15:00)
Aston Villa gerðu vel að ráða Emery. Ég mun sennilega horfa á einhvern annan leik en þennan. Watkins mun ganga frá þessu í seinni hálfleik.

Brentford 2 - 0 Southampton (Laugardagur 15:00)
Brentford er ekki að tapa mikið á heimavelli. Toney og Mbeumo skora sitthvort markið.

Brighton 2 - 0 Bournemouth (Laugardagur 15:00)
Brighton er með eitt skemmtilegasta liðið í dag. Hægri bakvörður Bournemouth þarf að taka sjóveikistöflur áður en hann mætir Mitoma. Hann skorar bæði.

Man Utd 2 - 1 Crystal Palace (Laugardagur 15:00)
Þetta hafa verið nokkuð jafnir leikir síðustu ár. United er á smá runni núna og það heldur áfram. Þeir rétt merja þennan leik. Rashford og Martial.

Wolves 0 - 1 Liverpool (Laugardagur 15:00)
Dökkt ský yfir Liverpool borg þessa dagana en þeir munu kreista út sigur í þessum leik. Gakpo opnar markareikninginn sinn í leiðinlegum leik.

Newcastle 2 - 0 West Ham (Laugardagur 17:30)
Pope skellir í lás í enn eitt skiptið. Tommi Steindórs getur því sleppt að horfa á þennan leik og fundið sér eitthvað skemmtilegra að gera á laugardagskvöldi.

Nott'm Forest 1 - 2 Leeds (Sunnudagur 14:00)
Þessi verður skemmtilegur. Gnonto er eitthvað skrímsli sem var líklega búið til á rannsóknarstofu og hann gerir gæfumuninn í þetta skipti.

Spurs 0 - 3 Man City (Sunnudagur 16:30)
Spurs verða lengi vel inni í þessum leik en Hugo Lloris mun gera þeim bjarnargreiða í enn eitt skiptið. City gengur svo á lagið.

Fyrri spámenn:
Teddi Ponza - 8 réttir
Aron Mímir - 7 réttir
Nökkvi Þeyr Þórisson - 7 réttir
Óskar Smári - 6 réttir
Tómas Þór - 6 réttir
Hjálmar Stefánsson - 5 réttir
Jón Axel - 5 réttir
Arnar Daði - 5 réttir
Magnús Valur - 5 réttir
Logi Geirsson - 4 réttir
Albert Hafsteins - 4 réttir
Adam Ægir Pálsson - 4 réttir
Magnús Kjartan - 4 réttir
Höskuldur Gunnlaugs - 4 réttir
Ingimar Helgi Finnsson - 4 réttir
Arna Sif - 3 réttir
Viðar Hafsteins - 3 réttir
Oliver Heiðarsson - 1 réttir

Mitoma verið frábær að undanförnu.

Mynd: EPA

Boehly fangelsaður?

Mynd: Getty Images

Lloris gert andstæðingum sínum nokkra greiðanna á þessu tímabili.

Mynd: EPA

<b>Enski boltinn</b> - Boðið upp á bombu klukkutíma fyrir gluggalok

Stöðutafla

#	Lið	L	mun	Stig
1	Arsenal	38	+44	85
2	Manchester City	38	+42	78
3	Manchester Utd	38	+19	71
4	Aston Villa	38	+7	65
5	Liverpool	38	+10	60
6	Bournemouth	38	+4	57
7	Sunderland	38	-6	54
8	Brighton	38	+6	53
9	Brentford	38	+3	53
10	Chelsea	38	+6	52
11	Fulham	38	-4	52
12	Newcastle	38	-2	49
13	Everton	38	-3	49
14	Leeds	38	-7	47
15	Crystal Palace	38	-10	45
16	Nott. Forest	38	-3	44
17	Tottenham	38	-9	41
18	West Ham	38	-19	39
19	Burnley	38	-37	22
20	Wolves	38	-41	20