The xG Philosophy á Twitter fjallar um xG tölfræðiþáttinn og segir frá því í kvöld að Arsenal hafi aldrei verið með eins lítið xG og í kvöld, frá því þau byrjuðu að taka saman xG árið 2014.

Til að skýra xG á einfaldan hátt, þá mælir það hversu líklegt það er að lið skori miðað við gæði marktækifæris. Þú getur fengið xG á bilinu 0-1 fyrir hvert færi sem þú færð, miðað við hversu líklegt er að þú skorir úr færinu.

Arsenal var með 0,09 í xG í kvöld sem er afskaplega lítið. Liverpool var með 2,17 og skoraði þrjú mörk.

Arsenal er í níunda sæti ensku úrvalsdeildarinnar.