Southampton vann í dag 3-2 endurkomusigur á Burnley í fyrsta leik dagsins í ensku úrvalsdeildinni. Burnley var komið í 0-2 eftri 28. mínútu en Southampton var búið að jafna fyrir hlé.

Nathan Redmond skoraði svo sigurmark Southampton á 66. mínútu eftir öfluga sókn.

Þegar Burnley komst í 0-2 líkti Hörður Snævar Jónsson því við kraftaverk. Eftir að Southampton var komið í 3-2 þá var kraftaverkið búið að breytast í martröð.

Mörkin hjá Matej Vydra og Danny ings voru einkar glæsileg. Frábært einstaklings framtak hjá Ings eftir langa sendingu og laglegur undirbúningur í marki Vydra sem kláraði með góðu skoti.

Jóhann Berg Guðmundsson lék fyrstu 89 mínúturnar með liði Burnley. Southampton er nú komið þremur stigum fyrir ofan Burnley eftir þennan góða sigur.