Íris Dögg Gunnarsdóttir, varamarkvörður Vals, og Katie Cousins.
Það er algjört lykilatriði fyrir Val að miðjumaðurinn Katie Cousins verði heil heilsu þegar Íslands- og bikarmeistararnir mæta Breiðabliki í eignlegum úrslitaleik um sigur í Bestu deild kvenna, um Íslandsmeistaratitilinn.
Katie hefur verið að glíma við meiðsli í aðdraganda leiksins en Adda Baldursdóttir, aðstoðarþjálfari Vals, var spurð út í stöðu hennar í viðtali við Fótbolta.net í gær.
„Staðan er bara góð. Þetta hefur verið langt tímabil. Katie er bara góð og verður klár á laugardaginn," sagði Adda.
Það var rætt um mikilvægi Katie Cousins í hlaðvarpi hér á Fótbolta.net í gær. Hún var stórkostleg þegar liðin mættust í deildinni síðast en þá vann Valur 1-0 og hún gerði sigurmarkið. Hún er einn besti erlendi leikmaður sem spilað hefur á Íslandi en á núna möguleika á því að verða Íslandsmeistari í fyrsta sinn eftir að hafa spilað í tvö tímabil með Þótti áður en hún fór í Val.
„Katie Cousins er ekki heil. Þetta er síðasti leikurinn á tímabilinu og ég get lofað ykkur því að hún mun byrja, en hún er ekki 100 prósent og hún er held ég ekki 80 prósent. Hún er lykillinn - að mínu mati - að því hvort Valur geti unnið leikinn eða ekki," sagði Magnús Haukur Harðarson í þættinum sem hægt er að hlusta á hér fyrir neðan.
Athugasemdir
