Frank Lampard.
Frank Lampard, fyrrum stjóri Chelsea, var á dögunum orðaður við stjórastarfið hjá Roma á Ítalíu en Jeff Stelling, þáttastjórnandi hjá Talksport, væri til að sjá hann aftur taka við liði í ensku úrvalsdeildinni.
Stelling væri til í að sjá Frank Lampard taka við West Ham ef það starf losnar.
Julen Lopetegui tók við West Ham af David Moyes síðasta sumar en hann hefur ekki farið vel af stað í ensku úrvalsdeildinni og það hefur pressa myndast á honum.
Forráðamenn West Ham voru í skýjunum þegar Lopetegui var ráðinn en liðið tapaði 3-0 gegn Nottingham Forest á laugardaginn og var það fimmta tap liðsins á tímabilinu.
Lampard er uppalinn hjá West Ham og Stelling væri spenntur að sjá hann taka við liðinu þó stjóraferill hans hafi ekki verið ýkja merkilegur hingað til.
Athugasemdir
