Eyþór Aron (hér númer 18) gekk í raðir Breiðabliks eftir síðustu leiktíð.
Eyþór Aron Wöhler hefur blásið á sögusagnir um að hann sé á förum frá Breiðabliki. Það gerir hann með klippu úr kvikmyndinni Wolf of Wall Street á samfélagsmiðlum.
Það kom fram í útvarpsþættinum Fótbolta.net um helgina að Eyþór væri hugsanlega á förum frá Blikum; heyrst hefur að HK vilji fá hann á láni í sumar.
Eyþór, sem er 21 árs gamall, er í mikilli samkeppni í Blikaliðinu en hópurinn hjá Íslandsmeisturum er mjög stór og sterkur. Eyþór spilaði 25 leiki í Bestu deildinni með ÍA í fyrra og skoraði í þeim átta mörk.
Leikmaðurinn segist ekki vera á förum en myndbandið sem hann birti má sjá hér að neðan.
Breiðablik er þessa stundina í æfingaferð í Portúgal en liðið spilaði í síðustu viku æfingaleik gegn varaliði Brentford og fór þar með sigur af hólmi. Eyþór skoraði í leiknum en mörkin má sjá með því að smella hérna.
Sjá einnig:
Eyþór Wöhler: Fyrst og fremst Óskar Hrafn Þorvalds
— Eyþór Wöhler (@wohlerinn) March 5, 2023
Athugasemdir
