Manchester United þurfti að sætta sig við 7-0 tap gegn Liverpool í ensku úrvalsdeildinni í gær. Tapið var vægast sagt niðurlægjandi fyrir United gegn erkifjendum sínum.
Lewis Steele, fréttamaður á Daily Mail, vekur athygli á því í dag hversu lítið leikmenn Man Utd lögðu í leikinn.
Saman hlupu leikmenn liðsins 99,01 kílómetra í leiknum, sem er lægsta hlaupatalan hjá United frá því liðið tapaði 4-0 gegn Brentford í upphafi tímabils.
Erik ten Hag, stjóri Man Utd, refsaði leikmönnum sínum eftir leikinn gegn Brentford með því að láta hvern og einn hlaupa 13,8 kílómetra í steikjandi hita daginn eftir leik. Hann lét þá hlaupa það mikið vegna þess að það var munurinn á Man Utd og Brentford í þeim leik.
Ten Hag hljóp þá með leikmönnum til að sýna að bæri ábyrgð líka, en leikmenn mættu snemma á fund hjá þeim hollenska í morgun.
Þess ber að geta að það hefur verið mikið álag á United upp á síðkastið en liðið er enn með í öllum keppnum. Það getur þó ekki verið nein afsökun fyrir þessum hörmungar úrslitum í gær.
#mufc players ran 99.01km between them against Liverpool, the lowest since the 4-0 loss to Brentford in August [@LewisSteele_]
— utdreport (@utdreport) March 6, 2023
Athugasemdir