Ísland á risastóran leik við Holland í kvöld
Íslenska kvennalandsliðiðið spilar sinn stærsta leik í sögunni er liðið heimsækir Holland á Stadion Galgenwaard í Utrecht klukkan 18:45 í kvöld.
Ísland er í efsta sæti riðilsins í undankeppni HM með 18 stig á meðan Holland er í öðru sæti með 17 stig.
Landsliðinu dugir stig til að komast í lokakeppni HM sem fer fram í Ástralíu og Nýja-Sjálandi á næsta ári.
Það yrði stærsta augnablik í sögu kvennalandsliðsins. Liðið hefur komist á síðustu fjögur Evrópumót en aldrei tekist að komast á HM og nú er svo sannarlega færi til þess.
Búið er að selja 16 þúsund miða á völlinn. Leikurinn verður í beinni textalýsingu hér á Fótbolta.net og auðvitað í beinni útsendingu á RÚV.
Leikur dagsins:
Landslið kvenna - Undankeppni HM
18:45 Holland-Ísland (Stadion Galgenwaard)
Athugasemdir
