Halldór Kristján Baldursson aðstoðarþjálfari Gróttu var sáttur í lok leiks.
„Leikurinn ekki alveg eins og við lögðum hann upp, við lögðum hann upp með að vera aðeins meira með boltann, gerðum það svo ágætlega í seinni hálfleik. Í fyrri hálfleik settu Vestramenn aðeins á okkur og við nýttum okkur bara hraðann sem við höfum fram á við" Sagði Halldór Kristján aðstoðarþjálfari Gróttu.
Lestu um leikinn: Grótta 5 - 0 Vestri
Grótta spilaði frábærlega í dag þegar þeir unnu Vestra 5-0. Grótta beitti mikið af skyndisóknum en það var greinilega ekki upplegg leiksins.
„Við förum bara í alla leiki til þess að vinna þá og sjáum hvort við eigum séns þarna í lokin"
Sagði Halldór er hann var spurður um markmið sumarsins.
Grótta gæti komið á óvart í sumar en þeir spiluðu einstaklega vel í dag og lofar spilamennskan góðu.
Viðtalið má sjá hér í heild sinni hér fyrir ofan.
Athugasemdir
