Rúrik Gíslason, kantmaður Sandhausen, gaf ekki kost á sér í íslenska landsliðshópinn fyrir komandi leiki gegn Tyrklandi og Moldóvu. Rúrik átti að vera í hópnum en hann gaf ekki kost á sér af persónulegum ástæðum en 433.is greinir frá.
„Rúrik átti að vera hérna í hópnum, hann gat ekki tekið þátt í þessu verkefni af persónulegum ástæðum,“ sagði Freyr Alexandersson, aðstoðarþjálfari við 433.is.
Í síðustu tveimur landsliðshópum hefur Rúrik ekki verið með en hann var fjarri góðu gamni í síðasta landsliðsverkefni vegna meiðsla.
Rúrik er kominn af stað aftur eftir þau meiðsli en hann var í byrjunarliðinu gegn Hannover um síðustu helgi.
Smelltu hér til að sjá landsliðshópinn
Athugasemdir