Erik Tobias Sandberg
Norski varnarmaðurinn Erik Tobias Sandberg hefur samið við ÍA um að leika áfram með liðinu næstu tvö árin.
Sandberg er 24 ára gamall miðvörður sem er uppalinn hjá Lilleström en hann kom til ÍA fyrir nýafstaðið tímabil.
Norðmaðurinn spilaði 26 leiki og skoraði 1 mark er ÍA hafnaði í 5. sæti Bestu deildarinnar.
ÍA var mjög ánægt með hans frammistöðu á tímabilinu og hefur hann þá fallið vel inn í samfélagið á Akranesi en hann hefur nú skrifað undir nýjan tveggja ára samning við félagið.
Sandberg á að baki leiki fyrir unglingalandsliðin í Noregi og þar lék hann einmitt með Erling Braut Haaland, leikmanni Manchester City, en þeir tveir ásamt Erik Botheim skipuðu rappsveitina Flow Kingz.
Besta-deild karla - Efri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 27 | 19 | 5 | 3 | 63 - 31 | +32 | 62 |
| 2. Víkingur R. | 27 | 18 | 5 | 4 | 68 - 33 | +35 | 59 |
| 3. Valur | 27 | 12 | 8 | 7 | 66 - 42 | +24 | 44 |
| 4. Stjarnan | 27 | 12 | 6 | 9 | 51 - 43 | +8 | 42 |
| 5. ÍA | 27 | 11 | 4 | 12 | 49 - 47 | +2 | 37 |
| 6. FH | 27 | 9 | 7 | 11 | 43 - 50 | -7 | 34 |
Athugasemdir
