„Við erum allir svekktir með meiðsli Hugo. Við erum hinsvegar með góðan og reynslumikinn markvörð í Fraser Forster. Hann hefur mikla reynslu úr úrvalsdeildinni og góða reynslu úr Meistaradeildinni," segir Cristian Stellini, aðstoðarstjóri Tottenham.

„Það eru fimm vikur framundan með Fraser. Við treystum honum og erum ánægðir með að hafa hann í hópnum. Við óskum Hugo góðs bata og hlökkum til að sjá hann aftur sem fyrst."

Hugo Lloris hefur talað um þyngsli andlega eftir að hafa tapað úrslitaleik HM með franska landsliðinu. Hann hefur sagt að erfitt hafi verið að ná einbeitingu eftir mikið álag.

„Hann gæti notað þennan tíma til að hvílast andlega eftir að hafa átt erfiða tíma í kjölfarið á HM. En hann var að ná sér vel og spilaði virkilega vel í síðasta leik. Ég held að hann hafi verið búinn að ná HM úr sér," segir Stellini.

Forster er 34 ára og er fyrrum markvörður Celtic og Southampton. Hann gekk í raðir Tottenham í fyrra.